Teknologi for meistring og tryggleik
Det finst mange teknologiske løysingar som den enkelte kan nyttiggjere seg for å auke eigenmeistring, tryggleik og samfunnsdeltaking. Teknologien kan bidra til å oppretthalde livskvalitet, blant anna gjennom å legge til rette for at ein kan bu heime lengre.
Fleire løysingar er alt tekne i bruk via internett og smarttelefon. Ein del teknologi kan brukarane kjøpe sjølv i vanleg handel. Innan helse – og omsorgstenesta jobbar ein no for å halde tritt med denne samfunnsutviklinga, og sikre at vi tek i bruk nye løysingar på ein trygg og sikker måte der ein har behov for å varsle vidare til pårørande eller helsepersonell. Teknologien er under utprøving.
Velferdsteknologi er mellom anna
- Robotstøvsugar, støvsuger til avtalt tid.
- Robotgrasklippar, klipper graset til avtalt tid.
- Lysstyring, lyset slår seg for eksempel på når du står opp på natta.
- Komfyrvakt, varslar og slår av komfyren om det blir for varmt
- Videokommunikasjons; Skypesamtale med både lyd og bilde via telefon, internett.
- Dørklokke med kamera for å sjå kven som ringer på.
- Doro mobiltelefon, med alarmknapp for å varsle pårørande om kvar ein er.
- Skritteller eller andre aktivitetsmålarar
- Elektronisk medisindispensar, minner deg på når det er tid for medisin og gir deg rett medisin.
- Elektronisk kalender, gir oversikt over kvardagen.
- Tryggleiksalarm; du kan sjølv varsle pårørande eller tenestane og varsel kan gå automatisk for eksempel ved fall.
- Mobil tryggleiksalarm, som du kan bruke ute og som varslar dine pårørande om kvar du er ved hjelp av GPS.