Inkludering og meistring
INKLUDERING handlar om å leggje tilrette for sosial deltakelse - som gjer at alle som er tilknyta barnehagen viser aksept for at alle har sin naturlege plass i fellesskapet.
MEISTRING handlar om at barna får til noko av det dei ønskjer, sjølv om dei ikkje lukkast med ein gong.
Les meir om dette i årsplanen.
Utviklingsarbeid
Utviklingsarbeid i barnehagen handlar om å jobbe systematisk for å forandre eller utvikle/forbetre pedagogisk praksis. Målet er at den pedagogiske praksisen skal fremme barna sin trivsel og utvikling. I tillegg blir vi ein lærande organisasjon, som samtidig gir dei tilsette moglegheit for eigenutvikling. Vi har barnehagebasert kompetanseutvikling, som involverar alle tilsette.
Inneverande år har vi eit utviklingsarbeid i tråd med Sula kommune sine felles prioriteringar for alle einingar i Oppvekst, som gjeld INKLUDERING. Vi skal nytte Utdanningsdirektoratet (Udir) sine opplæringsmodular i dette arbeidet. Utviklingsarbeidet vårt blir litt to-delt, men likevel sett i samanheng i det pedagogiske arbeidet. Vi skal halde fram med digital praksis der vi jobbar med digitale verktøy i skapande prosessar med barna - som også handlar om inkludering.
Les meir om dette i årsplanen.
Internasjonalt samarbeid
Dette er også eit tiltak innafor utviklingsarbeidet vårt, både inkludering og digital praksis - der vi fortsetter å ta steg ut mot Europa. Vi har vore på ulike kontaktseminar i regi av HK-dir til Danmark og Italia. Inneverande år skal vi ha eit samarbeid med ein barnehage i Sverige og Italia, der vi samarbeidar digitalt om eit felles eventyr: Spøkelsesbarna som skifta farge.
Les meir om dette i årsplanen.