Lavterskeltilbod til barn, ungdom og foreldre

Sjølvhjelpsverktøy

Hjelp til sjølvhjelp

Her finn du ei oversikt over sjølvhjelpsverktøy innan psykisk helse. Ved akutt behov for hjelp kan du kontakte fastlegen din, eller legevakta på telefon 116 117.

Nedanfor finn du ein oversikt over ulike sjølvhjelpsverktøy. Alt av materialet er gratis og du treng ikkje registrere deg for å få tilgang.

På Psykisk helse-helsenorge.no finn du informasjon om kva psykisk helse er, korleis du tek vare på den, og kvar du kan få hjelp om du eller nokon du kjenner har det vanskelig.

Finn gode kvardagsråd eller prøv apper og verktøy som gjer det enklare om du vil endre ein vane, eller treng informasjon om kva små grep du sjølv kan gjere for å få litt betre helse.

Selvhjelperen - er ein digitalt kursbank med persontilpassa kurs og meistringsverktøy som bidrar til betre psykisk helse. Kursa dekka tema som søvn, stress, angst, depresjon, vanar, emosjonell intelligens, målsetting, prestasjonsangst, alkohol og rusmisbruk, sorg, indre motivasjon og einsemd.

Søvn

Kortvarige søvnvanskar – sjølvhjelpskurs på nett (NHI.no)

Langvarige søvnvanskar – sjølvhjelpskurs på nett (NHI.no)

Depresjon

Sjølvhjelpsprogram for deg med depresjon – sjølvhjelpskurs på nett (NHI.no)

Depresjon hos vaksne – informasjon og sjølvhjelp/råd (Helsenorge.no)

Depresjon – informasjon og råd (Psykiskhelse.no)

Tankevirus - er ein app som kan hjelpe deg dersom du har negative tankar. Gjennom daglege videoar og små morsomme oppgåver får du hjelp til å handtere desse tankane. Last ned app frå google play, eller last ned frå App store.

Angst

Helseangst – sjølvhjelpskurs på nett. Del av panikkangst kurs (NHI.no)

Panikkangst – sjølvhjelpskurs på nett (NHI.no)

Sosial angst – sjølvhjelpskurs på nett (NHI.no)

Prestasjonsangst – sjølvhjelpskurs på nett. Del av sosial angst kurs (NHI.no)

E-risk: Mestringskurs - Eit online mestringskurs for deg mellom 12 og 18 år som har utfordring med angst.

Glubl - er ein app som hjelpe deg å gruble mindre. Du får sjå ein serie om stress, merksemd og grubling, og du får øving som kan gi deg betre kontroll over grublinga. Last ned app frå google play, eller last ned frå App store.

UngSpotlight - er eit sjølvhjelpsprogram for deg som er redd for å snakke framfor klassa. I programmet lære du deg teknikkar som kan hjelpe deg i slike situasjonar. Last ned app frå google play, eller last ned frå App store.

Fysisk aktivitet

Tips til å bli meir aktiv – informasjon og råd (Helsenorge.no)

GÅ10 - er ein app for seg som treng motivasjon for å kome i gang med meir rørsle. Appen registrera tida du går, og gir ekstrapoeng for tempo. Last ned app frå google play, eller last ned frå App store.

Sinnemeistring:

Sinnemeistring for foreldre – Nettkurs frå Familievernet/bufetat

Årshjul for tiltakseininga for barn og unge

SamBa (saman om barna) - tverrfagleg møte

Tverrfagleg møte der foreldre er ein viktig samarbeidspart. Møta skal ha eit løysingsorientert fokus og ei målsetting om å rettleie foreldre/føresette og fagperson så tidleg som mogleg, medan utfordringane framleis er små.

Metodebok for SamBa -Saman om barna-

Målgruppe

Barn frå 0 – 15 år som for eksempel viser teikn på mistrivsel, stress, som strevar sosialt, kjenslemessig, med regulering, eller at familiesituasjonen er vanskeleg. På ungdomsskulen er det ønskeleg at eleven deltek.

Kontaktinformasjon og bestilling

Samtykke og brosjyrer

Fødsel- og foreldreførebuande kurs

Barselgrupper

4 år trygg og klar

Gjennom tilbodet "4år- trygg og klar" vil barna få tilbod om tidleg hjelp gjennom samarbeid med føresette, barnehage og helsestasjon.

Vi ønsker derfor at føresette skal fylle ut eit skjema, skrive det ut, og ta det med til foreldresamtalen ved barnehagen.

Pedagogisk leiar i barnehagen vil fylle ut same skjema. Etter foreldresamtalen vil barnehagen ta ansvar for å sende inn begge skjemaer til helsestasjonen, slik at helsesjukepleiar er godt førebudd før de kjem.

Om du/de ikkje ønskjer tilbodet, ver venleg å gi beskjed til barnehagen.

Når helsestasjonen får skjema tilsendt frå barnehagen, blir de kontakta for timeavtale ved helsestasjonen.

Vi ser fram til eit godt samarbeid.

Kontaktperson

Fagleiar helsestasjon

Helsestasjon for ungdom (HFU)

COS-P Circle of security, foreldrerettleiing.

Mange foreldre synes det er utfordrande å gje barna sine tryggleik og god oppvekst. Foreldrerettleingskurset Circle of Security (COS), tryggleikssirkelen, skal gi foreldre verktøy til å forstå betre kva behov barn har, kva signal dei gjev og kva vi kan gjere for å møte desse behova betre.

Målet med COS-P

Circle of Security (COS) Parenting er eit foreldrerettleiingsprogram med ei målsetting om å fremje trygg tilknyting mellom foreldre og barn. COS-P-kurs skal støtte foreldre, eller dei som jobbar med barn, til å forstå kvifor barn oppfører seg slik dei gjer, kva behov dei har, og korleis ein kan møte behova på ein omsorgsfull og utviklingsstøttande måte. Den kjenslemessige og reflekterande delen av programmet er viktigare enn å lære foreldra teknikkar for korleis dei taklar barn si åtferd. COS legg vekt på at alle foreldre har sine kampar og ting ein strevar med. Det vert jobba med refleksjon rundt kva dette eigentleg handlar om, og på denne måten vert du som omsorgsgivar gitt fleire val for korleis du ønskjer å løysa utfordringane.

I COS-P snakkar vi om

Tryggleikssirkelen: Tryggleikssirkelen gir oss hjelp til å sjå kva behov barn har for støtte frå foreldre, både når dei utforskar verda og når dei opplever vanskelege kjensler.
"Vere saman" i tryggleikssirkelen: Barn lærer og utviklar seg i samspel med foreldre. Samspelet er grunnleggande for korleis barn utviklar trygg tilknytning kjenslemessig.
Vegen til tryggleik: Kor tilgjengeleg du er som forelder påverkar ditt barn sin måte å formidle kjensler og behov.
Vanskelege situasjonar: Vi vil gi foreldre nokre reiskap til samspel mellom dykk og barna når situasjonen kjem ut av kontroll. Vi ser på balansen mellom det å vere tydeleg og samtidig vere en god forelder.
Foreldra sine eigne erfaringar: Nokre gonger har vi vaksne erfaringar frå eigen fortid som gjer at reaksjonar i notid kan bli "større" enn nødvendig. Kurset vil gi dykk nokre reiskap til korleis de kan handtere dette.

Kven kan vere med?

Kursa er prioritert for foreldre med barn mellom 2-12 år. (evt. ungdom 13-15 år) Kurset går over 8 gongar, 1,5 time per gong. Kurset vekslar mellom video og samtale. Deltaker må har god norsk kunnskap.

Planlagde kurs

Oppstart neste kurs: Tysdag 10.september kl. 17.00
Dersom du vil ha direkte beskjed om når neste kurs starta, trykk på lenkjen under.
- Registrer deg her, og få beskjed når påmelding for neste kurs blir lagt ut.

Korleis melde seg på?

https://skjema.sula.kommune.no/skjema/SKO191/

Kva kostar det?

Tilbodet er gratis.

Meir informasjon

PMTO - Rådgiving

PMTO Rådgiving

PMTO Rådgiving er eit tilbod som kan fremme trivsel og samarbeid i familiar med barn i alderen 3 - 12 år. Målet er å snu ein begynnande problemutvikling så tidleg som mogleg og hjelpe foreldre på eit så tidleg tidspunkt som mogleg før problema har blitt fastlåst.

Foreldrerettleiinga er praktisk retta og vil ta utgangspunkt i daglegdagse situasjonar i familien. Døme på det kan være morgenrutiner, leggerutiner, lekser, måltid, søskenkrangel og utfordrande samarbeid. Vi vil fokusere på korleis få til eit godt samarbeid i familien og korleis vi kan lære nye ferdigheter.

Aktuelle Tema

Korleis legge til rette for betre samarbeid med barn.
Systematisk bruk av ros og oppmuntring.
Effektiv grensesetting og bruk av konsekvensar.
Tilsyn
Problemløysning knytt til daglegdagse utfordringar i familien.
Positiv involvering og kommunikasjon med barn.
Handtering av søskenkrangel og raseriutbrudd

Kven kan vere med?

PMTO Rådgiving er for føresette med barn mellom 3 - 12 år, der utfordrande åtferd og vanskeleg samspel har vart i kortare tid.

PMTO Rådgiving består av inntil 5-7 vekentlige samtaler der rådgivar og føresette er tilstade.

Mellom kvart møte vil føresette få ei oppgåve som skal øvast på heime til neste samtale.

Korleis melde seg på?

Lenkje til påmelding finn du her.

Kva kostar det?

Tilbodet er gratis.

Meir informasjon

PMTO - Foreldregruppekurs

PMTO foreldregruppekurs er eit tilbod som kan fremme trivsel og samarbeid i familiar med barn i alderen 3 - 12 år.

PMTO

Kurset er praktisk retta og vil ta utgangspunkt i daglegdagse situasjonar i familien. Døme på det kan være morgenrutiner, leggerutiner, lekser, måltid, søskenkrangel og utfordrande samarbeid. Vi vil fokusere på korleis få til eit godt samarbeid i familien og korleis vi kan lære nye ferdigheter.

Tema i kurset

Korleis legge til rette for betre samarbeid med barn.
Systematisk bruk av ros og oppmuntring.
Effektiv grensesetting og bruk av konsekvensar.
Tilsyn
Problemløysning knytt til daglegdagse utfordringar i familien.
Positiv involvering og kommunikasjon med barn.
Handtering av søskenkrangel og raseriutbrudd
Samarbeid med barnehage/ skule.

Kven kan vere med?

Kurset er for føresette med barn mellom 4-10 år. Kurset går over 12 samlingar, med møte 1 gang i veka på 2 timar (inkl.pause). Mellom kvar kursdag vil deltagarane få ei oppgåve som skal øvast på heime til neste møte. Det blir satt av tid til å dele erfaringar frå arbeidet med oppgåva på kvart av møta.

Planlagde kurs

Onsdag 28.august kl. 17.00 på Sula helsestasjon.

Korleis melde seg på?

Trykk her for påmelding

Kva kostar det?

Tilbodet er gratis.

Meir informasjon

ICDP - foreldrerettleiing gruppe

Foreldrerettleiing ICDP - International Child Development Programme.

ICDP er eit universelt førebyggande og helsefremjande program for foreldrerettleiing utarbeida i Noreg, og brukt i meir enn 200 kommunar og i over 30 land. Sula kommune tilbyr fleire grupper årleg.

Målet med ICDP

Målet er å finne trygging og bekrefting på at vi er gode føresette ved at vi blir meir bevisste på kva vi gjer som er bra for barna. Du vil ikkje få ei oppskrift, men hjelp til å finne løysingar for deg og barnet ditt - gjennom samtalar, øving i gruppa og idear eller oppgåver du prøver ut heime. Programmet er basert på 8 tema for godt samspel som vi går gjennom i løpet av dei 8 samlingane.

Korleis kan du få eit endå betre forhold til barnet ditt?

Som føresette har vi mange gleder og utfordringar. I ein travel kvardag kan det bli lite tid til å tenke over korleis vi er som føresette, og kor viktige vi er for barna våre. I ICDP-gruppene blir det lagt til rette for å møte andre foreldre, dele erfaringar og drøfte gleder og utfordringar i samspelet mellom barn og føresette.

Kven kan vere med?

Programmet er for alle småbarnsforeldre til barn mellom 6 mnd og 2 år i kommunen.

Er nysgjerrig på korleis du kan få eit endå betre forhold til barnet ditt.
Er interessert i korleis du kan støtte og hjelpe barnet ditt til ei best mogleg utvikling.
Vil vite korleis andre føresette løyser vanlege utfordringar.
Har lyst til å dele tankane og ideane dine med andre.

Gruppene går over 8 gongar med samlingar på ca. 1,5 t. Det er maks 8 deltakarar i kvar gruppe.

Planlagde kurs og påmelding.

Ingen planlagde grupper, men dersom du interessert, ta kontakt med tiltakskoordinator for barn og unge

Meir informasjon:

Foreldrebrosjyre ICDP (PDF, 893 kB)

Kva kostar det?

Tilbodet er gratis.

Kontaktinformasjon

Kontakt tiltakskoordinator for barn og unge

BAPP - gruppe for barn og ungdom

Målgruppe

Tilbodet er for barn/ungdom med foreldre som strevar med avhengigheit eller psykiske vanskar, eller har søsken som strevar med det same.

BAPP - grupper er eit førebyggande gruppebasert helsetilbod for barn i alderen 8 – 12 år, eller ungdom 13 - 15 år. Målet er å styrke forståing, fellesskap og meistring av eigen kvardag.

I BAPP - gruppe vil du

Møte andre barn/ungdom i same situasjon.
Øve på å få vaksne til å forstå.
Trene på sjølvhevding - våge å sei i frå.
Arbeide med tankar og kjensler.
Forstå meir av kva som foregår.
Ha det hyggelig med litt mat.

Gruppa møtast etter skulen - ein fast dag i veka. Barn og ungdom møte til 9 samlinger, foreldre møte til 2 samlinger - 1,5 kvar gang.

Neste kurs

Registrer deg her, og få beskjed når påmelding for neste kurs blir lagt ut.

Kontaktinformasjon

Kontakt tiltakskoordinator for barn og unge

Barn med to heimar - gruppetilbod (PIS)

Barn som har to heimar får kome saman og snakke om korleis det er når foreldre ikkje lenger bur saman.

Målgruppe

Barn med to heimar/skilde foreldre.

Tema

Samlivsbrot
Samværsordningar og feriar
Kva når mamma eller pappa får ny kjærast?
Nye søsken
Korleis påverkar heimeforhold min kvardag?

Kontaktinformasjon

Kontantkassa Aktivitetstilskot

Opplæring om psykisk helse i barnehagen

Alle barnehagane skal i løpet av barnehageåret har fokus på psykisk helse.

Tema går over ca. 12 veker, med samling kvar veke.

Barna får mellom anna opplæring i bruk av grøne /raude tankar. Grøne tankar – gir glade barn!

Føresette får invitasjon til informasjonskveld i forkant av opplæringa. Dersom du ønsker meir informasjon kan du kontakte barnehagen.

Opplæring om psykisk helse, 4. klasse

Opplæring om psykisk helse, ungdomsskulen

Ung mestring

Utekontakt

Donken Fritidsklubb

Sommartid på rådhuset

Kontakt