Retningsline gjeld alle læringsbrett delt ut til elevar i Sulaskulen og Sula kulturskule.

Læringsbrett skal brukast av elevane til skulearbeid som ein personleg iPad i skulen. iPaden er Sula kommune sin eigedom og skal leverast tilbake dersom eleven sluttar ved grunnskulen/kulturskulen i Sula.

Lånar og lånaren sine føresette skal forhalde seg til følgjande reglement:

1. Allerede etablert regelverk

a) Kommunen/skulen sitt ordensreglement gjeld også for bruk og handtering av læringsbrett.

2. Administrasjon

a) Skulen har kontroll over oppsett på iPaden og innkjøp og distribusjon av appar.
b) Skulen kan når som helst be om å få tilbake iPaden av tekniske eller praktiske årsaker. Eleven må i slike tilfelle levere tilbake iPaden ulåst (utan passord eller pinkode).

3. Praktisk bruk

a) iPaden skal alltid vere med på skulen. Når iPaden ikkje er i bruk i undervisinga, skal den ligge i sekken, også i SFO-tida. Drikkeflaska kan stå på skulen og fyllast der, så slepp vi lekkasje i sekken.
b) Heimen må sørge for at iPaden kvar dag er tilstrekkeleg lada til å kunne brukast gjennom heile skuledagen utan å måte ladast opp undervegs.
c) Beskyttelsesdekslet iPaden leverast med skal alltid vere på.
d)  Det er læraren som definerer når og korleis iPaden skal brukast
e) iPaden skal ikkje lånast ut til andre
f) Det er aldri lov å ta bilete eller video av medelevar eller tilsette utan løyve frå lærar og den/dei det skal takast bilete av
g) Lærar skal ha tilgong til koden på iPaden som lagast på skulen eller heime.
h) Skulen tar ikkje ansvar for tap av data og har rett til å slette innhald på iPadene. Personlege data må derfor også lagrast andre stadar enn på iPaden.

4. Elevar som også er elev i Sula kulturskule

a)Elevar i kulturskulen skal kunne  nytte læringsbrett som ein del av undervisninga i Sula kulturskule, og må kunne ha med læringsbrett heim i vekedagar og helg. Læringsbrett skal då berre nyttast til førebuing eller øving i samband med undervisninga i kulturskulen.

5. Endring av reglar

a) Til ei kvar tid gjeldande reglement vil liggje på Sula kommune si heimeside www.sula.kommune.no og kan endrast av skulen slik skulen finn nødvendig innanfor prosjektet. Versjonen på nettsidene er til ei kvar tid gjeldande. Eventuell endring av reglementet sitt innhald vert varsla på Sula kommune si nettside.

I tillegg til sanksjonar i ordensreglane kan skulen også kreve iPaden levert tilbake for godt, eller for ein periode, om eleven bryt ordensreglane, «Reglar for bruk av iPaden» eller reglane i denne reglement. Dersom brot på reglane over fører til at iPaden vert skada/øydelagd,  må føresette erstatte.

Ipad vert levert ut til elev med deksel og original ladar med kabel, ved innlevering av utstyr skal iPad returnerast til kontaktlærar med tilhøyrande deksel og original ladar med kabel. Heimane står ansvarleg for manglande utstyr og vil verte fakturert for dette jamfør satsar for utstyr som ligg i leasingavtale.

Utdanningsdirektoratet har no kome med tydelege tilrådingar om kva som skal vere tillate på elevane sine digitale einingar gjennom sin nasjonale rettleiar «Korleis beskytte elevar mot skadeleg innhald på nett» som ligg på udir.no.

Sula kommune har via eKommune Sunnmøre ein eigen profil som er lagt på alle læringsbrett. Denne profilen hindrar blant anna elevane frå å logge på App Store, iCloud, installere «public apps», slette alt på eininga og mange andre restriksjonar. Denne profilen er basert på erfaring frå andre skular og deira bruk av læringsbrett. Profilen inneheld også innstillingar på alle læringsbrett for alle elevar.

Profilen kommunen har lagt inn er låst til kvart enkelt læringsbrett. Den er alltid aktivt uansett kvar eleven måtte vere kopla til internett; heime, på skulen eller tilkopla andre nett. Synlege sikkerheitsbrot vert handtert fortløpande av skulen/kommunen. Skulen kan slette og reinstallere innhald på eininga jamfør retningsliner som er sett for bruken av læringsbrett i Sulaskulen.

Sula kommune har via eKommune Sunnmøre også gått til innkjøp av ei god filterløysing, kalla Umbrella. Denne løysinga fungerer like godt på heimenettverk som på skulenettverket. Umbrella var i oktober 2024 rulla ut på alle læringsbrett i Sulaskulen. Dette filteret er ein del av profilen som ligg på alle læringsbrett.

Dette gjer at vi i større grad kan bestemme kva elevane skal vere skjerma for. Filterløysinga klarer å stoppe reklame og søk på ikkje ønska innhald som pornografi eller anna skadeleg innhald.

Det vil dessverre likevel kunne skje at elevane likevel blir utsett for ikkje ønska innhald på internett. Det er derfor viktig at skulen, lærar og føresette rustar elevane best mogleg til å handtere situasjonar der dei kan bli møtt med slikt innhald.

Vi har kontinuerleg fokus på å gje alle elevane frå 1. til 10.trinn digital danning gjennom haldningsskapende arbeid og opplæring i nettvett. Sula kommune har eit eige prosjekt som går på nettvett og som skal bu barna på å ferdast i den digitale verda, der barn og føresette har fått opplæring i kva nettvett/digital danning er.

Ekstra beskyttelse for dei yngste elevane

Sula kommune har, i samarbeid med eKommune Sunnmøre, utvikla eit «tillat-filter». Dette  inneber at internettlesar på læringsbretta blir stengd for alt anna enn dei nettstadene skulane har definert som relevante. Dette er spesielt viktig når dei yngste elevane nyttar digitale einingar på eiga hand, anten på skulen eller heime.

Dei yngste elevane, definert som 1. og 2. trinn i Sula, vil med dette filteret berre ha tilgang til nettstader og appar som skulane meiner er naudsynte for undervisninga. Vi vil på 1. og 2.trinn arbeide særleg med å utvikle nettvett, digital dømmekraft og digital kompetanse slik at dei er stiller litt meir rusta til 3.trinn når «tillat-filter» blir slått av og elevane «berre» har Umbrella filter

Handlingsplan digital kompetanse i kultur og oppvekst 2019-2021 (PDF, 955 kB)

(Planen gjeld framleis, arbeidet med rullering av handlingsplanen startar hausten 2023)