Arbeidet med ny samfunnsplan blir gjennomført basert på eit planprogram som kommunestyret har vedtatt. Planprogrammet er ein “plan for planen”: den beskriv mellom anna korleis arbeidet med samfunnsplanen skal bli gjennomført og kven som skal medverke i planarbeidet.

Du kan lese planprogram for samfunnsplan her.

Her kan du sjå protokoll frå kommunestyret sitt vedtak av planprogram.

Kunnskapsgrunnlaget for samfunnsplanen består av tal, fakta og statistikk frå fleire kjelder. Nedanfor er ei oversikt over viktig kunnskapsgrunnlag for samfunnsplanen. I tillegg kjem gjeldande planar og andre styringsdokument i Sula kommune.

• Kunnskapsgrunnlag for samfunnsplanen
• Analyse av bustadbehov for eldre innbyggarar fram mot 2040
• Folkehelseoversikt Sula kommune 2021

Samfunnsplanen er først og fremst eit politisk styringsverktøy. Det er derfor nødvendig med brei involvering av dei folkevalde i kommunen. I hovudsak er det tatt sikte på å nytte allereie samansette grupper (kommunestyret, formannskapet og plan- og miljøutvalet) for medverknadsprosessar. I tillegg er det etablert eit mellombels politisk utval som vil bestå av medlemmer frå kommunestyret, som skal følge prosessen med samfunnsplanen, og som kan gi sine inspel til arbeidet. 

Sidan samfunnsplanen vil legge føringar for samfunnsutviklinga i kommunen, er det nødvendig å få innspel også frå alle som blir påverka av planen. Gode medverknadsprosessar vil sikre ein betre kvalitet og forankring av arbeidet med samfunnsplanen.  Det vil vere eit særskilt fokus å sikre god involvering av barn og unge i planarbeidet. 

Det er også fleire andre grupper som blir vurdert å vere særleg viktige aktørar som må involverast:

• Innbyggarar i ulike livsfasar og livssituasjonar
• Innvandrarar
• Dei faste råda (Ungdomsrådet, Eldrerådet og Råd for likestilling av personar med nedsett funksjonsevne)
• Frivilligheita
• Lag og organisasjonar
• Næringslivet

Det er kommunestyret som skal vedta samfunnsplanen. Framdrifta fram mot dette vert skildra nedanfor.