At kommunen kan handsame søknadar om tilknyting som nemnt over, er m.a. basert på avklaringar som vart gjort  i eit møte som Sula kommune,Ålesund kommune og konsulentfirmaet Asplan Viak AS gjennomførte med Statsforvaltaren i Møre og Romsdal den 19. august 2024.  Tema i møtet var både tekniske krav til Kongshaugen reinseanlegg, og vilkår for tilknyting av nye private avløpsanlegg.

Sula kommune må i si vurdering av søknadar ta omsyn til at eksisterande kommunale avløpsreinseanlegg skal ha tilstrekkeleg kapasitet, og at påslepp av meir avløpsvatn ikkje skal føre til overløp i normalsituasjonar.

Ut frå situasjonen i dag, er det ein avgrensa ledig kapasitet i deler av Sula kommune. Sula kommune er delt i avløpssonar. For sonane «Langevåg» (RA1) og «Djupvika» (RA2) er det noko ledig kapasitet, medan det for «Sunde» (U4) ikkje er ledig kapasitet p.t.

Statsforvaltaren stiller i tillegg til ovannemnde vilkår om at reinsing av avløpsvatn (fram til Kongshaugen reinseanlegg er i drift) minimum skal tilfredsstille gjeldande primærreinsekrav. Kravet til reinsing må følgast opp med dokumentasjon.